სოციალური მუშაკი არის პროფესიონალი, რომელიც პირველი ხვდება ორგანზიაციაში ამა თუ იმ მომსახურების მისაღებად მისულ ადამიანს. მასთან ერთად აფასებს საჭიროებებს და ადგენს ცვლილებების გეგმას. საჭიროების მიხედვით ამისამართებს ორგანზიაციის შიგნით ან ორგანიზაციის გარეთ სპეციალისტებთან თუ სერვისებთან. უწევს თანხლებას. ეხმარება დასაქმების უნარ-ჩვევების შეძენასა და დასაქმებაში, ფიზიკური და ფსიქიკური ჯანმრთელობის სერვისების მიღებაში, მისი პოტენციალისა და რესურსების გამოვლინებასა და რეალიზებაში და სხვა.

სოციალური მუშაკები ასევე მუშაობენ ბენეფიციარების ოჯახის წევრებთან, თუკი ამის საჭიროება და თანხმობა არსებობს. 

არასრულწლოვნები ბენეფიციარის შემთხვევაში მუშაობენ მშობლის ან სხვა კანონიერი წარმოამდგენლის თანხმობის საფუძველზე.   

იურისტი სამართლებრივ კონსულტაციას და შემდგომ მომსახურებას ახორციელებს სისხლის, სამოქალაქო და ადმინისტრაციული საქმართლის საქმეებზე. აღნიშნული გულისხმობს სატელეფონო, ონლაინ თუ პირადად კონსულტაციას, საადვოკატო მომსახურებას და წარმომადგენლობას სახელმწიფო უწყებებსა თუ სასამართლოში. 

გარდა ამისა, იურისტი განსაკუთრებით მნიშვნელოვანი საქმის შემთხვევაში სტრატეგიულ საქმისწარმოებას ახორციელებს საკონსტიტუციო სასამართლოში, ევროპის ადამიანის უფლებათა სასამართლოში და გაეროს ორგანოებში.

ფსიქოლოგიური კონსულტაცია მოიცავს ინდივიდუალურ და ჯგუფურ მუშაობას, რომლის მიზანია სერვისის მიმღებთა ფსიქიკური ჯანმრთელობის ხელშეწყობა. ფსიქოლოგიური კონსულტირება ითვალისწინებს სერვისის მიმღების ოჯახის წევრების და/ან მხარდამჭერი ადამიანების ფსიქოგანათლებასა და გაძლიერებას. ფსიქოლოგიური კონსულტირება შესაძლოა განხორციელდეს დისტანციურად, ტელეკომუნიკაციის გზით, თუ არსებობს გადაადგილების სირთულე, ან სხვა გამოუვალი მდგომარეობა.

კონსულტანტი-ფსიქოლოგის მუშაობა ეფუძნება საერთაშორისო პროფესიული ეთიკის სტანდარტებს, ითვალისწინებს კონფიდენციალობის პრინციპის მკაცრად დაცვასა და უსაფრთხო სივრცის შექმნას სერვისის მიმღებთათვის.

სექსოლოგის კონსულტაცია მოიცავს ინდივიდუალურ მუშაობას, რომლის მიზანია სერვისის მიმღები პირის სექსუალურ ჯანმრთელობაზე ზრუნვა. სექსოლოგის კონსულტირება გულისხმობს სერვისის მიმღების ინფორმირებას გენდერთან და სექსუალობასთან დაკავშირებულ საკითხებზე, პარტნიორული ურთიერთობის ნიუანსებზე, მიმღებლობის დიაპაზონსა და რეპერტუარზე. სექსოლოგთან კოსულტირებისას შესაძლებელია სექსუალური დარღვევების გამორიცხვა და პრევენცია.

სერვისის მიმღებს შესაძლებლობა ეძლევა ექიმთან ერთად შეაფასოს საკუთარი სექსუალობის, გენდერული იდენტობისა და სექსუალური ორიენტაციის ინდივიდუალური თავისებურებები. ექიმი სექსოლოგი ხელმძღვანელობს სამედიცინო ეთიკის საერთაშორისო სტანდარტითა და კონფიდენციურობის სრული დაცვით.